سرعام سی آئی ڈی نیوز کی جانب سے کامران کی برطرفی کا اعلان
کراچی (نیوز ڈیسک)
سرعام سی آئی ڈی نیوز چینل کی انتظامیہ نے اپنے سابقہ نمائندہ خصوصی کامران کے ساتھ باضابطہ طور پر تمام تر پیشہ ورانہ تعلقات ختم کرنے کا فیصلہ کیا ہے۔ اس حوالے سے ادارہ واضح کرتا ہے کہ کامران اب سرعام سی آئی ڈی نیوز چینل کا نمائندہ نہیں رہا۔
ادارے کی پالیسی کے مطابق تمام نمائندگان کو ادارے کے اصولوں اور ضابطوں کی مکمل پابندی کرنی ہوتی ہے، تاہم کامران گزشتہ چھ ماہ سے ادارے سے مکمل طور پر لاتعلق رہا، کسی بھی صحافتی ذمہ داری کو ادا نہیں کیا، اور نہ ہی ادارے کی پالیسیز پر عملدرآمد کیا۔ متعدد بار یاد دہانیوں کے باوجود ان کی جانب سے سنجیدگی کا مظاہرہ نہیں کیا گیا، جس کے بعد انتظامیہ نے یہ فیصلہ کیا کہ ادارہ مزید ایسے افراد کے ساتھ اپنا تعلق برقرار نہیں رکھ سکتا جو ادارے کی ساکھ کو نقصان پہنچائیں یا اس کی پالیسی سے انحراف کریں۔
لہٰذا تمام سرکاری، نیم سرکاری، اور نجی اداروں کو مطلع کیا جاتا ہے کہ اب کامران کا سرعام سی آئی ڈی نیوز سے کوئی تعلق نہیں رہا۔ ادارہ اس کے کسی بھی قول، فعل یا نمائندگی کا ذمہ دار نہ ہوگا۔ اگر کسی بھی فورم پر کامران سرعام سی آئی ڈی نیوز کے نام کا استعمال کرتا پایا گیا تو ادارہ قانونی کارروائی کا حق محفوظ رکھتا ہے۔
ادارہ اپنے ناظرین، سامعین، اور تمام متعلقہ حلقوں کو یقین دلاتا ہے کہ سرعام سی آئی ڈی نیوز ہمیشہ مستند، ذمہ دار، اور اصولی صحافت پر یقین رکھتا ہے اور آئندہ بھی اپنی پالیسیز پر سختی سے عمل کرتا رہے گا۔
سرعام سی آئی ڈی نیوز
ذمہ دار صحافت کا علمبردار
