ڈپٹی کمشنر کیپٹن ریٹائرڈ عبدالستار عیسانی کی ہدایات پر اے ڈی سی آر مصور خان نیازی اور اے ڈی سی ایف اینڈ پی اشعر اقبال نے ضلع میں جاری ترقیاتی عمل کے جائزہ کے لئے اجلاس منعقد کیا جس میں تعمیراتی اور دیگر انتظامی محکموں کے افسران نے شرکت کی۔اجلاس میں سالانہ ترقیاتی پروگرام کے تحت جاری سکیموں پر عملدرآمد کا جائزہ لیتے ہوئے اے ڈی سی آر اور اے ڈی سی ایف اینڈ پی نےتعمیراتی محکموں کے سربراہان کو تاکید کی کہ موصولہ ترقیاتی فنڈز سے بر وقت استفادہ کیا جائے اور سکیموں کے مقررہ معیار تعمیر کی کامل پیروی کی جائے۔ انہوں نے گزشتہ اجلاس کے فیصلوں پر حسبِ منشاء عملدرآمد یقینی بنانے کی ضرورت پر زور دیا اور کہا کہ ترقیاتی عمل کی تکمیل ڈپٹی کمشنر کیپٹن ریٹائرڈ عبدالستار عیسانی کی مقرر کردہ ٹائم لائن کے اندر یقینی بنائی جائے تاکہ عوام کو ترقیاتی وسائل کا نعم البدل بلا تاخیر میسر آ سکے ۔ اجلاس میں ہائی ویز، بلڈنگز سیکٹرز، ایل آر ایم آئی ایس، لوکل گورنمنٹ اینڈ کمیونٹی ڈویلپمنٹ، پبلک ہیلتھ انجینئرنگ ڈیپارٹمنٹ، سمال ڈیمز، سپورٹس، سیپ ون،سیپ ٹو، پنجاب میونسپل سروسز پروگرام اور دیگر شعبوں کی ترقیاتی سکیموں پر کی گئی پیش رفت کا جائزہ لیا گیا۔
223
