حب میں 79واں یومِ آزادی جوش و جذبے سے منایا گیا
ملک بھر کی طرح حب میں بھی پاکستان کا 79واں یومِ آزادی نہایت عقیدت، احترام اور ملی جوش و جذبے کے ساتھ منایا گیا۔
یومِ آزادی کے سلسلے میں مرکزی پرچم کشائی کی تقریب لیڈا میں منعقد ہوئی، جہاں ڈپٹی کمشنر حب ریٹائرڈ کیپٹن جمع داد مندوخیل نے قومی پرچم لہرایا۔
تقریب میں سینیٹر دھنیش کمار پلیانی، سینیٹر حسینہ بانو، چیئرمین ضلع کونسل حب اور دیگر سرکاری و سیاسی شخصیات نے شرکت کی۔
اس موقع پر پاکستان کے سبز ہلالی پرچم کو سلام پیش کیا گیا اور وطنِ عزیز کی آزادی کے عظیم مقصد کو خراجِ عقیدت پیش کیا گیا۔
تقریب میں 79ویں یومِ آزادی کی خوشی میں کیک بھی کاٹا گیا، جبکہ ملک کی سلامتی، ترقی، خوشحالی اور استحکام کے لیے خصوصی دعا کی گئی۔
شرکاء نے اس عزم کا اظہار کیا کہ پاکستان کی ترقی، امن اور خوشحالی کے لیے ہر شہری اپنا کردار ادا کرے گا، کیونکہ آزادی صرف ایک دن منانے کا نام نہیں بلکہ اپنے وطن سے وفاداری، اتحاد اور ذمہ داری کا عہد بھی ہے۔
حب میں یومِ آزادی کی تقریب نے ایک بار پھر یہ پیغام دیا کہ پاکستان ہماری پہچان، ہماری شان اور ہماری امید ہے۔
پاکستان زندہ باد، پاکستان پائندہ باد!
37
