ڈپٹی کمشنر شعیب خان جدون نے سوشل میڈیا پر وائرل بہاول نگر تحصیل کے علاقے میں مسجد مکتب پرائمری اسکول جنڈ والہ میں کلاس روم کی عدم دستیابی وڈیو کا نوٹس لیتے ہوئے جنڈ والہ مسجد مکتب پرائمری سکول کا دورہ کیا اس موقع پر سی ای او ایجوکیشن محمد اسلم، ڈپٹی ڈائریکٹر پلاننگ اینڈ ڈویلپمنٹ عمران علی اور محکمہ ایجوکیشن کے متعلقہ افسران بھی موجود تھے ۔ڈپٹی کمشنر شعیب خان جدون نے سکول کے کمرے کی تعمیر کے فوری فنڈز مہیا کر کے کلاس روم کو مکمل کروانے کی ہدایت کی۔انہوں نے سکول میں درجہ چہارم کے سٹاف کی کمی کا بھی نوٹس لیا اور سی ای او ایجوکیشن کو ہدایات جاری کی۔بعدازاں ڈپٹی کمشنر نے گورنمنٹ ہائی سکول جنڈ والہ کا دورہ کیا اور ہائی سکول میں سہولیات اور تدریسی عمل کو مثالی قرار دیتے ہوئے انچارج ہیڈ ماسٹر اور اساتذہ کی محنت اور کاوشوں کو بیحد سراہا ۔ڈپٹی کمشنر نے جنڈ والہ میں بنیادی مرکز صحت کا بھی دورہ کیا اور مرکز صحت میں ریکارڈ کا بھی جائزہ لیا ۔
272
